நிஃப்டி?

பங்குசந்தையில் ஈடுபடும் மக்களின் தற்போதைய மிக முக்கியமான கேள்வி சந்தை எந்த திசையில் செல்லும். ஒரு நாள் 100 புள்ளிகள் சரிவு அடைகின்றது மறுநாள் 100 புள்ளிகள் ஏறுகின்றது. இதே தொடர்கதை ஆகிவிட்டது. கடந்த எட்டு மாதங்கள் சந்தை 4750 க்கும் 5300 க்கும் இடையில் கிட்டத்தட்ட 500 புள்ளிகளுக்கு இடையே வர்த்தகம் நடைபெற்றுள்ளது. ஒரே வருடத்தில் 90% மேலே ஏறிய சந்தை கிட்டத்தட்ட அதே கால அளவில் 15% க்கும் குறைவாக மேலே கிழே ஆட்டம் நடைபெற்று வருகின்றது.

வரைபடத்தை வைத்து கணிக்கும் பொழுது.



1. சந்தை oct -2009 ல் டிரெண்டு லைனை உடைத்துள்ளது.
2. மீண்டும் ஒருமுறை jan -2010 ல் டிரெண்டு லைனை உடைத்துள்ளது.
3. கிட்டத்தட்ட மூன்று மேல்நிலை தடைநிலைகளை உருவாக்கி உள்ளது.
4. இறங்கு முகத்திற்கான தடைநிலை மற்றும் தாங்குநிலைகளை கீழ்நேக்கியவாறு அமையப்பெற்றுள்ளது.
இவை அனைத்துமே தொழில்நுட்ப அடிப்படையில் சந்தைக்கு பாதகமான காரணிகள்.

செய்திகளின் அடிப்படையில் ஐரோப்பிய நாடுகளில் ஏற்பட்டுள்ள பொருளாதார நெருக்கடி எப்பொழுது மிகப்பெரிய அளவில் வெடிக்கும் என்பது தெரியவில்லை இவை அனைத்துயும் வைத்து பார்க்கும் பொழுது கடந்த பாரளுமன்ற தேர்தலில் முடிவு வெளியான சமயத்தில் வரைபடத்தில் ஏற்பட்ட இடைவெளியை கூடிய சீக்கிரம் சரிசெய்ய வாய்ப்புள்ளது. அதாவது நிஃப்டி 3600 வரை இறங்க வாய்ப்பு உள்ளதாக நான் கருதுகிறேன். என்ன நடைபெற பொகின்றது என்பதை பொருத்திருந்து பார்க்கலாம்.
---------------------------------------------------------------------------------------

தலை மற்றும் தோள்பட்டை அமைப்பு (மேல்நிலை)

இந்த அமைப்பு ஏறுமுகத்தின் முடிவில் ஏற்படும். இது ஒரே திசையாக சென்றுகொண்டுருக்கும் பங்கின் விலையை மாற்றப்போகிறது என்பதை நமக்கு அறிவுறுத்தும்.இந்த அமைப்பு மூன்று மேல்நிலை உச்சிகளை கொண்டது. இதில் நடு உச்சி மற்ற இரண்டு உச்சிகளை விட உயரமாக இருக்கும். மற்ற இரண்டு உச்சிகளும் கிட்டத்தட்ட ஒரே அளவாக இருக்கும். இது பார்பதற்கு தலை மற்றும் இரண்டு தோள்பட்டை போன்ற தோற்றம் கொண்டிருக்கும். இந்த மூன்று உச்சிகளின் கீழ்நிலைகள் தாங்கு நிலைகளாக செயல்படும்.

முதலாவது உச்சியை பங்கின் விலை அடைந்த பிறகு சிறது சரிவு ஏற்படும். இந்த சரிவு டிரண்டுலைனை உடைக்காமல் மேலே செல்லும். இப்பொழுது மேலே செல்கின்ற பங்கின் விலை புதிய உயரத்தை அடையும். பின்னர் அதிலிருந்து சரிவு ஏற்படும். இந்த சரிவு டிரண்டுலைனை உடைத்து விடும். இது அபாயத்தின் முதல் அறிகுறி.

இரண்டாவது சரிவில் இருந்து மேலே செல்லும் பங்கின் விலை இரண்டாவது உச்சியின் உயரத்தை உடைக்காமல் சிறிது கீழேயை தன்னுடைய புதிய உச்சியை உருவாக்கும். பொதுவாக இந்த உச்சி முதலாவது உச்சியின் உயரத்தை ஒட்டியே அமைந்திருக்கும்.

மூன்றாவது உச்சியில் இருந்து சரிந்து மூன்று உச்சியின் தாங்கு நிலையை உடைத்து விலை கீழே செல்லும். இங்கு வணிகத்தின் அளவு மிக முக்கியமான பங்கை ஆற்றுகின்றது. முதலாவது உச்சியை அடையும்பொழுது இருக்கும் வணிகத்தின் அளவை விட இரண்டாவது உச்சியை அடையும் பொழுது குறைவாக இருக்கும். இரண்டாவது உச்சியில் இருந்து குறையும்பொழுது அதிகமாக இருக்கும்.

தலை மற்றும் தோள்பட்டை அமைப்பு தாங்கு நிலையை உடைக்கும் பொழுதுதான் உறுதிசெய்யப்படுகின்றது. இதில் மிக முக்கியமாக கவனிக்க வேண்டியது வணிகத்தின் அளவு இங்கு அதிகமாக இருக்க வேண்டும்.

தாங்கு நிலை உடைபட்ட பிறகு, இதன் இலக்கு விலை என்பது தாங்கு நிலைக்கும் - இரண்டாவது உச்சிக்குமான வேறுபாடு ஆகும்.

மூன்று தாழ் நிலைகளையும் இணைத்து ஒரு கோடு வரையும்பொழுது (neck line) அந்த கோடு மேல் நோக்கி செல்லாமல் கீழ் நோக்கி செல்லுமாயின், பங்கின் விலை மிக அதிகமான சரிவை தரும்.

இரண்டு தாழ்நிலைகள் (Double Bottom)

பொதுவாக மிக நீண்ட இறங்குமுகத்தின் முடிவில் ஏற்படுவது இந்த அமைப்பு ஆகும். இது இறங்குமுகம் ஏறுமுகமாக மாறுவதை நமக்கு அறிவுறுத்தும். முதலாவது தாழ்நிலையை அடையும் பொழுது எந்த வித மாற்றத்திற்கான அறிகுறிகள் நமக்கு தெரியாது. இது தான் இறங்குமுகத்தின் கடைசி நிலை என நமக்கு தெரியாது. முதலாவது தாழ்நிலையை அடைந்த பிறகு 10% முதல் 20% வரை விலை உயரும். வர்த்தகத்தின் அளவு ( volume) மிக குறைவாக இருக்கும். 10% உயர்வில் இருந்து சரிந்து முதலாவது தாழ்நிலையை அடையும் வரை வர்த்தகத்தின் அளவு மிக குறைவாக இருக்கும். இந்த இரண்டு தாழ்நிலைக்குமான காலஅளவு ஒன்று முதல் முன்று மாதம் இருக்கும். முதலாவது தாழ்நிலைக்கும், இரண்டாவது தாழ்நிலைக்கும் இடையே ஆன வேறுபாடு + (அ) - 3 சதவிதம் இருக்கலாம். இரண்டாவது தாழ்நிலையில் இருந்து உயரும் பொழுது அதிக அளவு வர்த்தகம் நடைபெறும். அல்லது கேப் ஏற்படும். இது தேவை அதிகரிப்பதை நமக்கு உணர்த்தும். மேலும் இரண்டு தாழ்நிலைக்குமான தடை நிலைகளை (Resistance) உடைத்து விலை மேலே போகும். அப்பொழுது தான் இறங்குமுகம், ஏறுமுகமாக மாறுவதை நாம் உறுதி செய்ய முடியும். இதில் அதிக அளவு வர்த்தகம் நடைபெற்றிருக்கும்.



இதில் முக்கியமாக கவனிக்க வேண்டியவை.

1) முதலாவது தாழ்நிலையில் இருந்து குறைந்தது 10% விலை உயர்வை அடைந்திருக்க வேண்டும்.
2) இரண்டு தாழ்நிலைக்குமான கால இடைவெளி குறைந்த்து ஒரு மாதம் இருக்க வேண்டும்.
3) தடை நிலைகளை (Resistance) உடைக்கும்பொழுது அதிக அளவில் வர்த்தகம் நடைபெற்றிருக்க வேண்டும். இது மிகவும் முக்கியம்.

இந்த அமைப்பில் அதாவது முதலாவது தாழ்நிலைக்கும் தடை நிலைக்கும் இடையிலான விலை வேறுபாடு தடை நிலையை உடைத்து பங்கின் விலை உயரும் பொழுது இலக்குவிலையாக நிர்ணயிக்கபடுகிறது.
---------------------------------------------------------------------------------------

டபுள் டாப் (double top)

பொதுவாக மிக நீண்ட ஏறுமுகத்தின் முடிவில் ஏற்படுவது இந்த அமைப்பு ஆகும். இது ஏறுமுகம் இறங்குமுகமாக மாறுவதை நமக்கு அறிவுறுத்தும். இந்த அமைப்பு பக்கத்து பக்கத்து இரண்டு மலைஉச்சியை போன்று அமைந்து இருக்கும். முதலாவது உச்சியை அடையும் பொழுது எந்த வித மாற்றத்திற்கான அறிகுறிகள் நமக்கு தெரியாது. இது தான் ஏறுமுகத்தின் கடைசி உயரம் என நமக்கு தெரியாது. முதலாவது உயரத்தை அடைந்த பிறகு 10% முதல் 20% வரை விலை குறையும். வர்த்தகத்தின் அளவு ( volume) மிக குறைவாக இருக்கும். 10% சரிவில் இருந்து மீண்டு முதலாவது உயரத்தை அடையும் வரை வர்த்தகத்தின் அளவு மிக குறைவாக இருக்கும். இந்த இரண்டு உயரங்களுக்குமான காலஅளவு ஒன்று முதல் முன்று மாதம் இருக்கும். முதலாவது உயரத்திற்கும், இரண்டாவது உயரத்திற்கும் இடையே ஆன வேறுபாடு + (அ) - 3 சதவிதம் இருக்கலாம். இரண்டாவது உயரத்தில் இருந்து குறையும் பொழுது அதிக அளவு வர்த்தகம் நடைபெறும். அல்லது கேப் ஏற்படும். இது தேவை குறைவதை நமக்கு காட்டுகிறது. மேலும் இரண்டு உயரத்திற்குமான தாங்கு நிலைகளை (support line) உடைக்கும். அப்பொழுது தான் ஏறுமுகம், இறங்குமுகமாக மாறுவதை நாம் உறுதி செய்ய முடியும். இதில் அதிக அளவு வர்த்தகம் நடைபெற்றிருக்கும்.



இதில் முக்கியமாக கவனிக்க வேண்டியவை.

1) முதலாவது உயரத்தில் இருந்து குறைந்து 10% விலை வீழ்ச்சியை அடைந்திருக்க வேண்டும்.
2) இரண்டு உயரத்திற்குமான கால இடைவெளி குறைந்த்து ஒரு மாதம் இருக்க வேண்டும்.
3) தாங்குநிலையை உடைக்கும்பொழுது அதிக அளவில் வர்த்தகம் நடைபெற்றிருக்க வேண்டும்.

இந்த அமைப்பில் அதாவது முதலாவது உச்சிக்கும் தாங்குநிலைக்கும் இடையிலான விலை வேறுபாடு தாங்குநிலையை உடைத்து பங்கின் விலை கீழ் இறங்கும் பொழுது இலக்குவிலையாக நிர்ணயிக்கபடுகிறது.

---------------------------------------------------------------------------------

பல விதமான தொழில்நுட்பபகுப்பாய்வுகள்

நாம் டிரண்டுலைனை ஏற்கனவே பார்த்திருக்கிறோம். இந்த டிரண்டுலைனை அடிப்படையாக கொண்டு 19 விதமான தொழில்நுட்ப்பகுப்பாய்வுகள் (Chart Patterns) உருவாக்கப்பட்டுள்ளது. இதில் ஒரு முக்கியமான விஷயம் சுத்தி சுத்தி எங்கே போனாலும் கடைசியில் டிரண்டுலைனில் தான் வந்து முடியும். நீண்ட கால மற்றும் குறுகிய கால வணிகத்திற்க்கு பயன் படுகின்றது. கிழே 19 விதமான தொழில்நுட்பபகுப்பாய்வுகளின் பெயர்கள் முறையே.

•Double Top
•Double Bottom
•Head and Shoulders Top
•Head and Shoulders Bottom
•Falling Wedge
•Rising Wedge
•Rounding Bottom
•Triple Top
•Triple Bottom
•Bump and Run Reversal
•Flag, Pennant
•Symmetrical Triangle
•Ascending Triangle
•Descending Triangle
•Rectangle
•Price Channel
•Measured Move - Bullish
•Measured Move - Bearish
•Cup with Handle

இவற்றை பற்றி விரிவாக வரும் பதிவுகளில் காணலாம்.
--------------------------------------------------------------------------------

ICSA-India

பங்குகளை ஆராய்ந்து கொண்டு இருந்தபோழுது இந்த பங்கை பார்த்தேன். S-குருப் வகையை சேர்ந்த பங்கு. கடந்த ஜந்து வருடம் மிகப்பெரிய வளர்ச்சியை அடைந்துள்ளது.

Mar-2005 Gross profit :21.51 cr
Mar-2009 Gross profit :235.94 cr

2008 வருடம் பெரிய நிறுவனங்கள் கூட தள்ளுடிய சமயம் இது அருமையாக செயல் பட்டு வந்து உள்ளது. இதன் தற்போதைய பிரைஸ் ஏர்னிங் ரேஷியோ வெறும் 3.80 மட்டுமே.



நீண்ட கால முதலீட்டுக்கு சிறந்த பங்காக எனக்கு தோன்றுகின்றது. பங்குசந்தை இறங்கும்பொழுது மிகக் குறைந்த அளவு பணம் முதலீடு செய்யலாம். இதில் இருக்கும் ஒரே பயம் ஆண்டுநிதிநிலை அறிகையின் நண்பகதன்மை. சத்யம் நிறுவனம் அந்த பயத்தை ஏற்படுத்தி சென்று விட்டது. பார்க்கலாம் வரும் காலத்தில் எப்படி செயல்படுகின்றது என்பதை.

என்ன செய்யலாம்?

என்னுடைய மின் அஞ்சலுக்கு ஒருசில கேள்விகள் கீழ்வரும்படி வருகின்றன. அவை X-பங்கை அதிக விலையில் அதிக அளவில் வாங்கி வைத்திள்ளேன் என்ன செய்யலாம்?

இதற்கு என்ன பதில் சொல்ல்லாம் என்று எனக்கு தெரியவில்லை. தொழில்நுட்ப அடிப்படையில் பதில் கூறலாம், உதாரணமாக X-பங்கு 500 யை தாண்டினால் ரூ 600, 700 செல்லாளாம். ஆனால் இந்த பதில் அவர்களுக்கு போதுமானதாக இருக்குமா என்றால் இல்லை அவர்களின் அடுத்த கேள்வி எப்பொழுது 500 யை தாண்டும் அதற்கு பதில் அந்த பங்கிற்கு தேவை (Demand) ஏற்படும் பொழுது. அவர்களின் அடுத்த கேள்வி எப்பொழுது தேவை ஏற்படும். என்னிடம் பதில் இல்லை.



என் தந்தையின் நண்பர் அடிக்கடி எங்கள் வீட்டிற்கு வரும் சமயங்களில், பல சந்தர்ப்பங்களில் கிழ்வரும் சம்பவத்தை சொல்லி இருக்கிறார் அதாவது அவர் அண்ணாநகர் பகுதியில் ஒரு நிலம் வாங்க முடிவு செய்து பேசி பதிவு அலுவளகத்திற்கு சென்ற போது அந்த நிலத்தை விற்பவர் நிலத்தின் விலை உடன் ரூ 100 அதிகமாக கேட்க இவர் கோபித்துக்கொண்டு திரும்பி வந்துவிட்டார் என்று. அது எவ்வளவுபெரிய முட்டாள்தனம் என்று புலம்புவார் ஒருவேளை அவர் அதிக விலை கொடுத்து அந்த நிலத்தை வாங்கி இருப்பதாக எடுத்து கொண்டால் அப்பொழுது அது அதிகவிலை ஆனால் இப்பொழுது? இது பார்க்க (அ) கேட்க ஒரு சாதாரண சம்பவமாக தெரியலாம் ஆனால் இது போல பல மனிதர்களின் அனுபவம் நமக்கு சில பாடங்களை சொல்கின்றன. எதற்க்கு எப்பொழுது தேவை (Demand) ஏற்படும் என்று சாதாரண மனிதனால் கணிக்க முடியாது.

இப்பொழுது அதிக விலையில் வாங்கி வைத்திருப்பவர்களுக்கு இந்த சம்பவம் ஒரு பாடத்தை தரும். பங்கு சந்தைக்கு பதியதாக வருபவர்கள் அதிக விலையில் பங்குகளை வாங்கி மாட்டிக்கொள்வது ஒன்றும் புதியதல்ல. ஆனால் அதை எப்படி எதிர்கொள்கிறோம் என்பதுதான் முக்கியம்.

பங்குசந்தையை பொருத்தவரை பணமோ, தொழில் நுட்பமோ முக்கியமல்ல தீர்க்கமான மனநிலைதான் முக்கியம். அதை அடைந்த மனிதர்களுக்கு வெற்றி நிச்சயம்.

உலக பொருளாதார சரிவுவை கண்டுபிடிப்பது எப்படி?

பங்குசந்தை ஏன் இறங்குகிறது பொருளாதாரம் சரியில்லை . சரி பொருளாதார சரிவு பற்றி முன்பே தெரிந்திருந்தால் நாமும் பங்குசந்தையில் இருந்து பணத்தை எடுத்து இருக்கலாம் இல்லையா! அப்படியானால் கீழே இருப்பதை படியுங்கள்.

TED Spread:

மூன்று மாதகால முன்பேர வணிகத்தில் யு.எஸ்.டிரஸ்ஸெரி விலைக்கும் ( U.S. Treasuries ) யுரோ டாலர் (Eurodollars) விலைக்கும் இடையில் உள்ள வேறுபாடுதான் இந்த TED Spread ஆகும். பொதுவாக TED Spread யை பேஸிக்ஸ் பாய்ண்ட்ஸ் ( basis points)(bps). கொண்டு குறிப்பிடுவார்கள்.
U.S. Treasuries bill rate-ED trades = TED Spread

5.10% - 5.50% = .40 bps

இந்த TED Spread 10 முதல் 50 bps வரை வாழ்நாள் சராசரியாக இருக்கிறது. TED Spread 50க்கு மேல் உயர்ந்தால் பணப்புலக்கம் மிகவும் குறையும் பங்குசந்தை கீழிறங்கும் உலக பொருளாதாரம் சரிவு ஏற்படும். சுருக்கமாக சொன்னால் உலக பொருளாதார வீழ்ச்சியை அறிவுக்கும் ஒரு காரணி இந்த TED Spread ஆகும்.

இதையே வேறுவிதமாக சொன்னால் முதலிட்டாலர்கள் தங்கள் பணத்தை பாதுகாப்பான முதலீடான டிரஸ்ஸெரி பில்லில் முதலீடு செய்கிறார்கள். அதனால் டிரஸ்ஸெரி பில் விலை உயர்கின்றது. எனவே TED Spread யை முதலீட்டாளர்களினு நம்பிக்கையை குறிக்கும் ஒரு கண்ணாடியாக எடுத்து கொள்ளலாம்.

TED Spread உயர்ந்தால் உலக பொருளாதார வீழ்ச்சி ஏற்படப்போகிறது எனவே பங்குசந்தையில் இருந்து வெளியேற வேண்டும். TED Spread குறைந்தால் உலக பொருளாதார வீழ்ச்சியில் இருந்து மீளப்போகின்றது எனவே பங்குசந்தையில் முதலீடு செய்ய வேண்டும் எனப்பொருள்படும்.

உதாரணமாக 2007 subprime mortgage crisis சமயத்தில் TED Spread 150-200 bps வரை சென்றது ஒவ்வொரு முதலீட்டாலர்களும் TED Spread யை உண்ணிப்பாக கவனிக்க வேண்டும். TED Spread மீண்டும் உயர்ந்தால் உலக பொருளாதார சரிவு ஏற்படப் போகின்றது என அர்த்தம்.

கீழே இதை விளக்கும் வரைபடங்கள் கொடுக்கப்பட்டுள்ளன.

தற்பொழுதைய TED Spread யை தெரிந்து கொள்ள bllomberg.com இணையதளத்தை பார்க்கவும்.

---------------------------------------------------------------------------------------------

பிரைஸ் ஏர்னிங் ரேஷியோ

நீண்ட கால வணிகத்திற்க்கு மிக சிறந்த ஒரு தொழில் நுட்பம் பிரைஸ் ஏர்னிங் ரேஷியோ (P/E ratio). இந்த பிரைஸ் ஏர்னிங் ரேஷியோ ஒரு பங்கை எப்பொழுது வாங்க, விற்க வேண்டும் என்பதை நமக்கு உணர்த்தும். Value Investing யின் மிகவும் முக்கியமான ஒரு நுட்ப காரணியாக இந்த பிரைஸ் ஏர்னிங் ரேஷியோ விளங்குகிறது.

பிரைஸ் ஏர்னிங் ரேஷியோ?
ஒரு நிறுவனபங்கு அதன் ஆண்டு சம்பாத்தியத்தினைப் போல எத்தனை மடங்கு விலை விற்கிறது என்பதை குறிப்பது தான் பிரைஸ் ஏர்னிங் ரேஷியோ.

பிரைஸ் ஏர்னிங் ரேஷியோவை அடிப்படையாக கொண்டால், ஒரு பங்கின் பிரைஸ் ஏர்னிங் ரேஷியோ குறைவாக இருந்தால் அந்த பங்கை வாங்கவேண்டும். அதிகமாக இருந்தால் விற்க வேண்டும்.

வரலாறு நமக்கு சொல்லும் பாடம் நிஃப்டியினு பிரைஸ் ஏர்னிங் ரேஷியோ 13 யை தொடும்பொழுது பங்குகளை கொஞ்சம், கொஞ்சமாக வாங்க வேண்டும். ஒரு வேளை பிரைஸ் ஏர்னிங் ரேஷியோ 11யை உடைத்து கீழே சென்றால் கண்டிப்பாக வாங்க வேண்டிய சிறந்த தருணம் அது.

இதைப்போல் நிஃப்டியின் பிரைஸ் ஏர்னிங் ரேஷியோ 22 விட மேலே சென்றால் கையில் இருப்பதை கொஞ்சம், கொஞ்சமாக விற்க வேண்டும். பிரைஸ் ஏர்னிங் ரேஷியோ 25 யை உடைத்து மேலே சென்றால் கையில் இருப்பதை முழுவதுமாக விற்க வேண்டும்.

நிஃப்டியின் பிரைஸ் ஏர்னிங் ரேஷியோவை தெறிந்து கெள்ள வேண்டுமால் nseindia வலைதளத்தில் உள்ளது.

கிழே நிஃப்டியின் பிரைஸ் ஏர்னிங் ரேஷியோ வரலாற்று வரைபடம் உள்ளது. இது உங்களுக்கு மிக எளிதாக புரியும்.


-------------------------------------------------------------------------------------------

VIP Industries Ltd

நேற்று தொலைக்காட்சி பார்க்கும் போழுது VIP Industries Ltd பற்றி செய்தி ஓளிபரப்பானது. ஒரு வருடத்தில் கிட்டதட்ட 600% சதவிதம் உயர்வு. இது எப்படி சத்தியம்? இதில் பின்னால் இருக்கும் மர்மம் என்ன? காலம் தான் பதில் சொல்லவேண்டும்.



பொதுவாக இப்படி பட்ட பங்குகள் உயரும் வரை செய்திகள் வெளியே வருவதே இல்லை. இப்பொழுது ஏன் வெளிவருகின்றது? இப்பொழுது தான் இதன் பின்னால் இருக்கும் நபர்கள் இப்படி பட்ட பங்கினை பற்றி செய்தியை வெளியே பரப்பி விடுகின்றார்கள். சராசரி வணிகன் இந்த உயர்வை நம்பி இன்னும் மேலே செல்லும் என எண்ணி இந்த வலையில் விழுந்து விடுகிறார்கள். இப்படிபட்ட பங்கின் விலை உயர்வு உண்மையான ஏற்றம் தானா? தற்பொழுது விலை அந்த பங்கிற்கு ஏற்ற விலையா? என்பதை பார்ப்பதே இல்லை? விளைவு நட்டம்.

உலகில் அனைத்து இடங்களிலும் நம்மை ஏமாற்ற சிலர் காத்துகொண்டு இருக்கிறார்கள் நாம் தான் நம்மை காத்துக்கொள்ளவேண்டும்.

---------------------------------------------------------------------------------------

ரெபோ ரேட்- ரிவெர்ஸ் ரெபோ ரேட்

நேற்று ரிசர்வ் வங்கி வட்டி விகிததில் சில மறுதல் செய்து உள்ளது. அவை ரெபோ ரேட் மற்றும் ரிவெர்ஸ் ரெபோ ரேட் யில் முறையே 25 basis points ஏற்றி உள்ளது. சரி ரெபோ ரேட், ரிவெர்ஸ் ரெபோ ரேட் விளக்கம் கீழே.

ரெபோ ரேட் - ரிசர்வ் வங்கி மற்ற வங்கிக்கு கடன் கொடுக்கும் வட்டி விகிதம்.

ரிவெர்ஸ் ரெபோ ரேட் - வங்கிகள் ரிசர்வ் வங்கியில் பணம் சேமித்து வைக்க ரிசர்வ் வங்கி வங்கிகளுக்கு கொடுக்கும் வட்டி விகிதம்.

இந்த செய்தி எப்படி பங்குசந்தையை பதிக்கும் என்பதை திங்கள் அன்று தெரியும்.

கீழே நிஃப்டி வரைபடம் உள்ளது அதில் தடைநிலை 5310 மற்றும் தாங்குநிலை 5050 ஆகும்.

நிஃப்டி தற்போழுது தடைநிலை அருகே உள்ளது.



தடைநிலை மற்றும் தாங்குநிலை பற்றி அறிய பழைய பதிவை படிக்கவும்.

http://kaalaivanigam.blogspot.com/2009/11/blog-post_27.html
----------------------------------------------------------------------------------------------

தினசரி வணிகம்

பங்குசந்தைக்கு புதியதாக வருபவர்கள் மிக அதிகமாக கேட்கும் கேள்விகளில் ஒன்று தினசரி வணிகத்திற்கான பரிந்துரைகள்.

பங்குசந்தையை பற்றி புரிந்து கொள்வது என்பது மிகவும் கடினம் அதிலும் மிகமிக கடினமான ஒன்று தினசரிவணிகம். ஆனால் ஏன் அதிகமான மக்கள் தினசரி வணிகத்தின் மீது அளவுக்கு அதிகமாக ஆர்வம் கொண்டிருக்கிறார்கள்?



மக்கள் எளிதாக தினமும் கையில் காசுபார்க்க ஆசைபடுகிறார்கள். அது 100 (அ) 50 ரூ யோ அதை பற்றி கவலைப்படுவதில்லை. தினசரி வணிகத்தில் அடுத்து என்ன நடக்கும் என்பதை கணிக்கும் ஆவல் அந்த கணிப்பு சரியா, தவறா என்ற முடிவு அன்றே தெரிந்து விடுகிறது. அவர்களுடைய கணிப்பு சரி என்றால் அதில் கிடைக்கும் பூரிப்பு அதிகம். தவறு என்றால் சோகம், கோபம் அதிகம். இன்றைய தோல்வி நாளைய வெற்றியாக மாற்றத்துடிக்கிறார்கள் அது மட்டுமல்ல கையில் ஒரு லட்சம் ரூபாயை வைத்து கொண்டு பல லட்சம் மதிப்புள்ள பங்குகளை வாங்க முடிகிறது, லாபம் வந்தால் மிக அதிகம் நட்டமும் மிக அதிகம். ஆனால் பாவம் சராசரி தினசரி வணிகரின் மனநிலை குறைந்த லாபத்தை உடனே உறுதிசெய்து விடுவான். ஆனால் குறைந்த நட்டத்தை ஏற்க மனமில்லாமல் காத்திருப்பான் அவன் கைகாசு கரையும் வரை.

அனைத்து நாட்களும் பங்குசந்தையில் நிச்சயதன்மை அற்ற நாட்களாகும். என்றோ ஒரு நாள் அவனை மிக அதிக கஷ்டத்தில் (நஷ்டத்தில்) ஆழ்த்தி விடுகிறது. பிறகு அவன் சந்தையை எட்டி கூட பார்ப்பதில்லை. நிதானமான பயணம் என்றும் வெற்றியை தரும்.


-------------------------------------------------------------------------------------------

டிரெண்டு லைன்-3

கடந்த 2008-ம் வருடம் பங்குசந்தையில் ஏற்பட்ட மிகபெரிய வீழ்ச்சியின் பொழுது டிரெண்டு லைன் நமக்கு Exit signal தந்ததா? வரைபடம் கிழே.


-----------------------------------------------------------------------------------------

டிரெண்டு லைன்-2

பங்குசந்தை இந்த அளவுக்கு மேலே போகுமென்று தெரியாது. தெரிஞ்சிருந்தா காசு போட்டு இருப்பேன் என்று வருத்தப்படுகிறிர்களா?

டிரெண்டு லைன் (Trendline) பற்றி தெரிந்திருந்தால் இப்படி வருத்தப்பட மாட்டீர்கள். கிழே படத்தை பாருங்கள்.



01.04.2009 அன்று நீங்கள் நிஃப்டியில் முதலீடு செய்திருந்தால் மூன்றே மாதங்களில் 4750 வரை சென்றது. சுமார் 58% லாபம் அடைந்திருப்பீர்.
அதே குறிப்பிட்ட காலத்தில் பல பங்குகள் டிரெண்டு லைன்-ஐ உடைத்து விலைகள் இரண்டு மடங்காக உயர்ந்தது.

பல தொழில்நுட்ப ஆய்வுகள் இதே போல் Entry மற்றும் Exit signal -கள் கொடுக்கும். ஆனால் நீண்ட மற்றும் மிகநீண்ட கால முதலீட்டிற்கு டிரெண்டு லைன் தான் மிகவும் சிறந்த signal ஆகும்.

கடந்த 2008-ம் வருடம் பங்குசந்தையில் ஏற்பட்ட மிகபெரிய வீழ்ச்சியின் பொழுது டிரெண்டு லைன் நமக்கு Exit signal தந்ததா? வரைபடம் நாளை.

------------------------------------------------------------------------------------------ ------

டிரெண்டு லைன் -1

பங்குசந்தையின் நகர்வுகள் பகுதியில் நாம் பார்த்த இறங்குமுகத்தில் ஒரு நிறுவனபங்கின் விலை இறங்குமுகத்தில் வரைபடம் எப்படி இருக்கும் எனில் முதல் தடைநிலையை விட இரண்டாவது தடைநிலை கிழே இருக்க வேண்டும். இரண்டாவது விட முன்றாவது கிழே இருக்கவேண்டும்.

ஒன்றுக்கு மேற்பட்ட தடைநிலையை இணைக்கும் ஒரு சாய்கோடு வரைந்தால் அந்த சாய்கோட்டை எப்போழுது அந்த பங்கின்விலை உடைத்து மேல் ஏறுகின்றதோ அங்கே அந்த பங்கை வாங்கவேண்டும்.

இதை விளக்கும் படம் கிழே.

இதை போல் ஒரு பங்கியின் விலை ஏறுமுகம் எப்படி இருக்கும் எனில் முதல் தாங்குநிலையை விட இரண்டாவது தாங்குநிலை மேலே இருக்கும்.

முன்றாவது இரண்டாவதை விட மேலே இருக்கும்.

தாங்குநிலைகளை இணைக்கும் விதமாக ஒரு கோடு வரைய வேண்டும் அந்த கோட்டை என்று பங்கின் விலை உடைக்கின்றதோ அன்று அந்த பங்கை விற்க வேண்டும் வரைபடம் கிழே.

----------------------------------------------------------------------------------

வண்ணத்திருவிழா

உடைகள் மட்டும் அல்ல உள்ளங்களும் வண்ணமயம் ஆகட்டும்.

Happy Holi
-காளை(லை) வணிகம்.

பட்ஜெட் 2010

நாளை நிதி நிலைஅறிக்கை. 2008 உலக பொருளாதாரம் வீழ்ச்சியில் இருந்து சிறிது மீண்ட பிறகு தாக்கல் செய்யப்படுகின்றது. கடந்த 2009 வருடம் வீழ்ச்சியில் இருந்த சமயம் பல சலுகைகள் தொழில் துறைக்கு கிடைத்த்து. அதுபோல் இந்த வருடம் கண்டிப்பாக கிடைக்காது.

ஒவ்வொரு நிதிநிலை அறிக்கையிலும் அவரவர் துறைக்கு பல எதிர்பார்ப்புகள் இருக்கும். அனைத்தையும் கண்டிப்பாக நிதிநிலை அறிக்கை நிறைவு செய்யப்போவதில்லை.



சரி இந்த வருடம் என்னவெல்லாம் இருக்கலாம்.

1. விலைவாசி உயர்வை கட்டுப்படுத்த சில முயற்சிகள் கண்டிப்பக இருக்கும்.

2. கிராம்புற கட்டுமான வளர்ச்சிக்கு சில திட்டங்கள் இருக்கலாம்.

3. மின்சார பற்றாக்குறை போக்க அணுசக்தி, தொழில் மற்றும் கட்டுமான சம்மந்தமான சில திட்டங்கள் இருக்கலாம்.

4. கல்வி சிர்திருத்தம், சில நிதி ஒதுக்கீடுகள் இருக்கலாம்.

5. எல்லா நிதிநிலை அறிக்கையிலும் இடம் பெறும் புகையிலை பொருட்களுக்கு குறிப்பிட்ட வரிஉயர்வு இருக்கும்.

6. உரத்தொழிற்சாலைகளுக்கு சில சலுகைகள் இடம் பெறலாம்.

மேலும் தொழில்துறைக்கு கொடுத்து வந்த நிதி ஒத்துழைப்பு முழுவதுமாக திரும்ப பெறப்படுகிறதா அல்லது பகுதி அளவா என்பது தெரியும்.

NTPC, REC பொதுப்பணித்துறை நிறுவனங்களின் FPO தோல்விகளுக்கு என்ன பதில் என்பது தெரியும். நிதிபற்றகுறை பற்றியும். இன்னும் சில அதிர்ச்சிகளும், சந்தோஷங்களும் இருக்கலாம். எது எப்படி இருந்தாலும் பங்குசந்தை எப்படி பார்க்கப்போகிறது என்பது தான் முக்கியம்.

தொழில்நுட்பத்தை வைத்து பார்க்கும்பொழுது துபாய்கடன் சம்பந்தமாக செய்திவந்த சமயம் சந்தை 4538 புள்ளிவரை சரிந்தது. அது உடைபடாமல் இருந்தால் மேல்.

சிறுவணிகர்கள் FNO தவிர்ப்பது நல்லது.

டிரெண்டு லைன்

ஒரு நிறுவனப்பங்கை எப்பொழுது வாங்க வேண்டும், எப்பொழுது விற்க வேண்டும்?

இந்த கேள்விக்கு பொதுவான பதில் மிக்ககுறைந்த விலையில் வாங்கி, மிக அதிக விலையில் விற்க வேண்டும். கேட்கும் பொழுது மிக எளிமையாக தெரியும். ஆனால் இதை கையாழுவது மிக கடினம்.



எது மிக குறைந்த விலை, எது மிக அதிக விலை என்பது யாருக்கும் தெரியாது. உதாரணத்திற்கு 100 ரூபாய்க்கு வர்த்தகமாகும் பங்கு X யை 80 ரூபாய்க்கு வந்தால் அது மிக குறைந்த விலை என்று வாங்கினால் அது மேலும் குறைந்து ரூ 60 க்கு செல்லும். இதே போல் X பங்கை ரூ100 க்கு விற்றால் அந்த பங்கு 120 ரூபாய்க்கு செல்லும். சரியாக மிக குறைந்த விலையில் வாங்கி மிக அதிக விலையில் விற்க ஏவராலும் முடியாது.

சரி நிலையற்ற இந்த பங்கு சந்தையில் ஒரு நிறுவன பங்கை வாங்க, விற்க எதை அளவுகோலாக எடுத்து கொள்வது, இதற்காக உறுவாக்கப்பட்டது தான் டிரெண்டு லைன் .

இது ஒரு மிக அற்புதமான தொழில்நுட்பமாகும். இதை பற்றி வரும் பதிவுகளில் காணலாம்.
-------------------------------------------------------------------------------------------------

இறங்குமுகம்

19.02.2010 பதிவில் நாம் குறிப்பிட்ட இறங்குமுகம் நகர்வுக்கு உதாரணம் கீழே.

Indiabulls Real Estate Ltd.


-------------------------------------------------------------------------------------

ஏறுமுகம்

நேற்றைய பதிவில் நாம் குறிப்பிட்ட ஏறுமுகம் நகர்வுக்கு உதாரணம் கீழே.

Axis bank பங்கு ஏறுமுகத்தில் உள்ளது:



-----------------------------------------------------------------------

பங்குசந்தை நகர்வுகள்

பங்குசந்தையை பொருத்தவரையில் முன்று விதமான நிகழ்வுகளுக்கு இடம் உண்டு. அவை ஏறுமுகம், இறங்குமுகம் மற்றும் பக்கவாட்டில் நகர்வு. இந்த முன்று நிகழ்வுகளை சரியாக கணிக்க முடிந்தால் பிறகு என்ன நீங்கள் தான் ராஜா.

சரி எப்படி வரைபடத்தில் ஒரு பங்கை ஏறுமுகத்தில் உள்ளது என கண்டுபிடிப்பது? முதல் தடைநிலையை விட இரண்டாவது தடைநிலை மேலே இருக்க வேண்டும். இதே போல் முதல் தாங்குநிலையை விட இரண்டாவது தாங்கு நிலை மேலே இருக்க வேண்டும். இது ஏறுமுகமாகும். எளிதாக புரிந்து கொள்ள கீழே உள்ள படத்தை பாருங்கள்.

இதே போல் இறங்குமுகத்தில் முதல் தடைநிலையை விட இரண்டாவது தடைநிலை கீழே இருக்க வேண்டும். முதல் தாங்குநிலையை விட இரண்டாவது தாங்கு நிலை கீழே இருக்க வேண்டும். கீழே படம் தரப்பட்டுள்ளது.

பக்கவாட்டில் நகர்வு ஒரு நிறுவனப்பங்கின் முதல் தடைநிலை மற்றும் முதல் தாங்கு நிலைக்கு உட்பட்டு வர்த்தகம் நடைபெற வேண்டும். படம் கீழே தரப்பட்டுள்ளது.

இதை கணக்கிட காலஅளவு தனிப்பட்ட நபர் தேவைக்கேற்ப மாறுபடுகிறது.

----------------------------------------------------------------------------------

பங்குசந்தையின் தாரகமந்திரம்

உலகின் மிகப்பெரிய பணக்காரர் வாரன் பஃபட் (Warren Buffett) . பங்குசந்தையின் பிதாமகன் தனது 11வது வயதில் சிடுடிஸ் சர்வீஸஸ் (Cities Services) என்ற நிறுவனத்தின் பங்கை 38 டாலர் என்ற விலையில் வாங்கினார்.



அவர் வாங்கிய சிறிது காலத்தில் அது 28 டாலர் என்ற விலைக்கு விழ்ச்சி அடைந்தது. அவர் மிகவும் கவலையுடன் காத்திருந்தார் அந்த பங்கு 40 டாலர் வந்த உடன் விற்றுவிட்டு மிகவும் மகிழ்ச்சியுடன் வெளியேறினார். ஆனால் அந்த பங்கு 200 டாலர் வரை சென்றது அப்பொழுது தான் அவர் செய்த தவறு அவருக்கு புரிந்தது அதிலிருந்து ஒரு பாடம் கற்றார்.

முதலீடு செய்து மிகவும் பொறுமையாக காத்திருக்க ஆரம்பித்தார். இந்த அனுபவம் அவருக்கு மட்டுமல்ல எங்களுக்கும் ஏன் பங்குசந்தையில் ஈடுபடும் அனைவருக்கும் பொருந்தும். பொருமையும், காத்திருத்தலும் பங்குசந்தையின் மிக முக்கியமான தாரக மந்திரம்.

வர்த்தக ஆலோசனை-10-02-2010

பங்கு பரிந்துரை பெயர் - Chambal Fertilisers & Chemicals Ltd(NSE)

கால அளவு - 6 மாதம்

வாங்க வேண்டிய விலை - ரூ 71.50

இலக்கு விலை - ரூ 80 மற்றும் 86

வரும் 2010 நிதிநிலை அறிக்கையில் உரத்தொழிற்சாலைகளுக்கு சில சலுகைகள் கிடைக்க கூடும் என்பதால் இந்த பங்கை பரிந்துரை செய்கிறோம்.

நீங்கள் பங்குசந்தைக்கு ஒதுக்கிய பணத்தில் 5% மட்டும் இந்த பங்கை வாங்க வேண்டும்.

வர்த்தக ஆலோசனை-18-01-2010

பங்கு பரிந்துரை பெயர் - Bharat Forge Ltd.(NSE)

கால அளவு - 3 மாதம்

வாங்க வேண்டிய விலை - ரூ 295

இலக்கு விலை - ரூ 325


நீங்கள் பங்குசந்தைக்கு ஒதுக்கிய பணத்தில் 5% மட்டும் இந்த பங்கை வாங்க வேண்டும்.

பொங்கல் நல் வாழ்த்துக்கள்

அனைவருக்கும் இனிய பொங்கல் நல் வாழ்த்துக்கள்.

இலக்கை அடைந்த பங்கு

வர்த்தக ஆலோசனை-10-12-2009
பங்கு பரிந்துரை பெயர் - Blue Dart(NSE)
கால அளவு - 3 மாதம்
வாங்க வேண்டிய விலை - ரூ 602
முதல் இலக்கு விலை - ரூ 670
இரண்டாம் இலக்கு விலை - ரூ 730
தாங்கு நிலை - 575
சந்தை திசையற்ற ஒரு நிலையில் இருப்பதால் எதிர்பாராத திருப்பங்களுக்கு நிறையவே வாய்ப்பிருப்பதால் கவனத்துடன் செயல்படுதல் அவசியம். (Only for Risk Traders).

10-12 அன்று பரிந்துரை செய்த Blue Dart பங்கு 20% லாபம் அளித்தது. 4-01-2010 அன்று அதிகபடியாக 787 வரை சென்று 717-ல் முடிவுற்றது.